|
Ein Klick auf das Notenblatt startet die Musik (Midi-Datei) |
Zur Melodie vom Fensterstock-Hias hat Peter Wutzer im Juni 2020 einen aktuellen Text verfasst:
1.
Znagst hat mir mei Bua a kloans WhatsApp zuagschriebn:
warum i denn bei der Nacht gar nimmer kimm?
San d'Stöcklschua hin,
dass i gar nimmer kimm?
Holla riadei, diriadei, dijo!
2.
Hab's WhatsApp aufgmacht, hat mir's Herz im Leib glacht.
Na bin i glei furt bei der stockfinstern Nacht,
bei der stockfinstern Nacht,
dass d'Stöckln habn kracht.
Holla riadei, diriadei, dijo!
3.
Und wia i beim Buam da geh umma um s'Eck,
da san seine Eltern ja no net im Bett,
ja des is a Gfrett,
san de no net im Bett.
Holla riadei, diriadei, dijo!
4.
Und wia i so wart, ja da hat's mi recht gfrorn,
in d'Händ und in d'Füaß und in d'Nasn und d'Ohrn,
ganz kalt is mir wordn,
ganz kalt hint und vorn.
Holla riadei, diriadei, dijo!
5.
Aba dann bin i nauf, dass in d'Wärm i glei kimm,
über d'Feuerloata übers Fensterbrettl hin,
dann warn d'Stöcklschua hin,
bin in der Kammer net drin,
Holla riadei, diriadei, dijo!
6.
Mi hod's a so draht glei, vom Fensterbrett no,
mit de Stöcklschua bin i grutscht, über vier Meta ab,
in d'Hol1astaud'n nei,
ja des war a Freid,
Holla riadei, diriadei, dijo!
7.
I hob nimma gwußt ja, wo ob'n und unt' is,
i wollt ja beim Buam sei, des war ja ganz gwiss,
alles is hin,
in da Hollastaud'n drin,
Holla riadei, diriadei, dijo!
8.
Mei Bua schreit glei oba: mei Deandl, wo bist?
I sieg deine Schuah und a s'Röckerl des g'wiss,
wia gehts'n na dir?
I bin glei bei dir!
Holla riadei, diriadei, dijo!
9.
I ko me net rühr'n, weil mia duat alles weh,
mei Bua ruaft an Notarzt und an Sanka recht schnell,
mia duat alles weh,
da Dokta kimmt schnell,
Holla riadei, diriadei, dijo!
10.
Da Dokta sagt, Diandl, ja da hast Glück g'habt,
i hab ogschaut an Hintern, an Rück'n, a s`Gnack,
koa Bruch, des is g'wiß,
i hab's ogschaut, wia's is,
Holla riadei, diriadei, dijo!
11.
Zwoa Monat, des glaub i, da werd' i's no spürn,
da Hintern is blau und i ko mi schlecht rühr'n,
i ko mi schlecht rühr'n,
no lang werd i's g'spürn,
Holla riadei, diriadei, dijo!
12.
Ja Deandln passt's auf, merkt's eich auf jedn Fall,
lasst's an Buam kemma an's Fensta, gebt's eahm koa Wahl,
es is g'sünda für eich, und ihr liegts a schee weich,
Holla riadei, diriadei, dijo!
Text: Trad./Peter Wutzer 06/2020, nach einer wahren Begebenheit in Niederbayern.
Wollen Sie Gstanzln singen?
Auf Dancilla habe ich einiges dazu aufgelistet.
Fensterstock-Hias, zur Melodie
