Draußt in Retzer Stadl wohnt mei saubers Madl, huckt am Fensterbrettl, zählt die Zehnerzedl, red't an jedn an, dass er's küssen kann um so an Zehnerzedl d ganze Nacht.
	I bin a Zimmermann, der ah guat zimmern kann, Madl, da wirst schaun, i kann dar a Häusl baun, Madl, da wirst lachn, i kann dar a Wiagn machn, wann mar a Kindl kriagn, kannst as drin wiagn.
	Draußt in Hütteldorf steht a Knödlhüttn, kriagst an Kruspelspitz und ah a Togoschnittn. Is a schöner Sunntag, kummt durt alles zsamm, des was nur fressn und ah saufn kann.
	Draußt in Liabhartstal steht a altes Haus, da haut die Wirtin gern die ganzn Leut hinaus, die auf n Boden schmeißen ihre alten Tschick, wer ihr auskummt, der hat no a Glück.
	Wer den ganzn Tag nix macht, schaut andern zua, will auf d Nacht, weils wahr is, ah sei heulige Ruah. Der harbe Tanz tuat singan aus der untern Lad, der is und bleibt a richtiger Granat.
	Der alte Hödlmeier is a Rabenbratl, möchte an guatn Wein, dazua a feins Zigarrl, und a saubers Madl in der schönstn Wichs, aber zahln will der Hallodri nix.
	Die alte Waschtrognanni is ein Hauptatout, schaut von hint und vorn aus wie ein Känguruh. Kummt's amal in d Höll, oh je, des war a Graus, da fahrt vor lauter Schreck der Teufel aus.
	Neuli bin i gangan, s war scho in da Fruah in a Gulaschhüttn auf a Suppn nur. Alle habm mi kennt, da Schmäh und Stoß is grennt. I bin und bleib a Dschent und hab alls brennt.
	Neuli bin i gangan durch das Tor in Stan, durtn bin i gsessen zehn Jahr ganz allan. Was die Heh net gneißt, dass i jetzt bin hochweiß, des hat die Kraft mar gebm zum Überlebm.
	Der lange Wassererschani aus der Jägerzeiln lasst die Rösser durschtn und geht liaber käuln. Reißt er an Gogl auf, den was er rupfn kann, draht er eam an falschen Gadern an.
	Der alte Draxler Peter hat kan Silberguldn, nur an Haufn Kinder und an Binkl Schulden. Er schaut ka Arbeit an, dazua is er viel z'schwach, aber saufen tuat er wia a Loch.
	Drunt im Liachtental, da wohnt a Schneidergaß, die vom ganzn Grätzl alle Gschichtln waß. Die alten Weiber ham des schiefe Mandl gern, weils von eam die neichstn Tratscher hörn.
	Und der Schuastertoni is a feiner Kerl, macht für d Gigerln nur die allerfeinsten Röhrln. Auch den Damen zeigt er, was a Schuaster kann und messt eana d feinsten Bockerln an.
	Der gstutzte Fleckerl Ferdl hat zwa Rösser rennan, die von jedn Hupfer eam des Gerschtl brennan. Wann eam ane schiaßt, des is ana jedn gwiß, daß's an patzn Fahrer packt im Gfrieß.   Von Dr. Hans Christ bekommen:
	Da foische Goidzauhnwickerl hot beim Stoß valuan, hängt beim Saugerl in da Kreid´n bis iwa d´ beiden Uahn. Weu nach viazehn Tog ea no nix brenna kau`, haum ´s eam d´ Schleif´n geb´n in da Kriau.
	Da Krischpindl-Poidl tuat de Klaumpfn zupf´n, da g´schlitzte Messa-Nazl tuat sein Feitl schupf´n, und de Rauchfaung-Susi hot an neichn Dschent, den i aus da "Liesl" net hob g´kennt.
	Da Zigeina-Schurl is a Taschlziaga und da g´schwinde Rudl fraunk a Trickbetriaga. Waun de zwaa si treff´n, hot heanoch aum End´  a jeda wos vom aundan in de Hend!
	Und da Schwindsucht-Edi is´ da gresste Ruaß, stöht si´ mit olle Strizzi auf an guat´n Fuaß, dabei is´ a in Wiaklichkeit a foischa Hund, losst si´ von da Heh schmian fia an Zund.
	In de Praterau´n schded a oide Fee. Ma kaun  s´ ned auschau´n, dabei woa s´ fria schee. Daweu  s´ aum Gogl woat, und es schewan iare foischn Zend.

Auf dar Ossnge Odlme oschnpe, onsche Onfre d Maß veronhe. Wann ma eana s oggawe, osslbe an die Oaglge ongschpre, hebms Oaxlhe hoach in d Oahe und onschre: Juchhe.

 

	Diese Homepage wurde erstellt von der Stammtischmusi Klosterneuburg, p.A. Franz Fuchs, geb. 1939, A 3400 Klosterneuburg, Buchberggasse 63/2/2, Handy +43 (0 664) 9 80 43 15.
	Die Betreibung dieser Seiten kosten neben dem Zeitaufwand auch einen nicht unerheblichen Geldaufwand. Wir freuen uns daher über jede Spende. Näheres im Impressum der Stammtischmusik.
	Anmerkungen und Anregungen zu diesen Seiten können Sie gerne an franz.fuchs@stammtischmusik.at senden.
	Falls in diesen Seiten irrtümlich irgendwelche Urheberrechte verletzt wurden, ersuchen wir um Mitteilung, wir werden dies sofort abstellen.
	Ich weise darauf hin, dass ich für die Inhalte von Seiten außerhalb der Domänen www.volksmusik.cc, www.stammtischmusik.at, www.volksmusikschule.at,  Dancilla, www.volkstanz-klosterneuburg.at sowie www.franz.fuchs.priv.at  und www.volkstanz.at weder Verantwortung übernehme noch sie mir zu eigen mache!
	Für die kostenlose technische Betreuung aller dieser Seiten sowie die Erstellung der Datenbank www.noten.page bedanke ich mich bei meinem Sohn Günther Fuchs.
	Wir danken allen Usern, die uns mit ihren Rückmeldungen, mit ihrem computertechnischen oder musikalischen Fachwissen geholfen haben, diese Seiten zu erstellen.
	Wir freuen uns über Fragen, Hinweise und Verbesserungsvorschläge (Korrekturen, Ergänzungen, weiterführende Links).

Und vor allem freuen wir uns über jeden Besucher, der diese Seiten bisher gesehen hat. Seit Februar 2000 waren es bereits